Vrau me plumb në kokë teknikun e kondicionerit, ja sa vite burg kërkon Prokuroria për Griseldo Kusin

Prokuroria kërkon 21 vite burg për të akuzuarin Griseldo Kusi. Megjithatë, ai përfitn ulje të dënimit për shkak të gjykimit të shkurtuar, me 1/3, pra nga 21 mund të dënohet me 14 vite burg, pa përfshirë kohëm e paraburgimit që nga 2019 apo amnisti të tjera të mundshme.

VRASJA e Indrit Çelës në 22 gusht të 2019-ës.

26-vjeçari nga Mallakastra punonte si teknik kondicionerësh në Tiranë. Ai kishte shkuar te biznesi i Bujar Kusit, babait të dy vëllezërve Albano dhe Griseldo, për instalimin e rrjetit të kondicionimit. Por pas një konflikti banal për rrjedhjen e ujit nga tubi i kondicionerit, Griseldo Kusi e qëlloi Çelajn me plumb në kokë duke i shkaktuar vdekjen. Së bashku me vëllain, Albanon dhe dy shokë, ata u munduan të fshehin dhe manipulojnë ngjarjen e rëndë.