Vuçiç thirrje shqiptarëve: Serbinë shiheni si shtëpinë e dytë, kam respekt për ju!

Presidenti i Serbisë, Aleksandër Vuçiç në konferencën e zhvilluar në kuadër të ‘Open Balkan’ theksoi se marrëveshjet e arritura mes tri vendeve janë shumë të rëndësishme.

Po ashtu ai iu bëri thirrje shqiptarëve që të konsiderojnë Serbinë si shtëpinë e tyre të dytë.

“Ne duam që nga këto arritje qytetarët të shikojnë përfitime. Kur erdha në Shqipëri pashë që kryeministrit Rama iu kundërvunë për iniciative, apo për ata që thonë se Ballkani i hapur ka të bëjë me Serbi të madhe apo Shqipëri të madhe. Kjo nuk ka të bëjë më asnjë për tyre. Ne sot duhet të përqendrohemi tek e ardhmja dhe për faktin se si mund të jetojnë më mirë vendet tona. Ne duam të shikojmë më shumë turistë në Novi Sad, nga Tirana apo Shkupi, sigurisht edhe nga vende të tjera. Duke ardhur sot në Tiranë, dëshiroj të shpreh respektin tim për qytetarët e Shqipërisë, dua që Serbinë ta shihni si shtëpinë e dytë. Edhe ne duam të ndjehemi kështu kur të vijmë në Shqipëri.”, tha Vuçiç.

Kujtojmë se dje ish-kryeministri Sali Berisha organizoi një protestë kundër vizitës së Vuçiç në Tiranë.