Zbulohen 10 profilet që pritet të hyjnë në Big Brother VIP Kosova 5

“Big Brother VIP Kosova 5” pritet të nisë në javën e parë të tetorit dhe, teksa data e startit po afrohet, kanë filluar të dalin edhe informacionet e para për personazhet që mund të jenë pjesë e edicionit të ri.

Gazetari Agon Rexhepi ka zbuluar disa detaje rreth 10 profileve që, sipas informacioneve të tij, po konsiderohen si kandidatë të mundshëm për t’u bërë pjesë e reality show-t. Për momentin, ai nuk ka publikuar emrat, por ka dhënë të dhëna që mund t’i ndihmojnë ndjekësit të identifikojnë personazhet.

Mes profileve të përmendura është një këngëtar mbi 55 vjeç, ndërsa në listë ndodhet edhe një këngëtare e muzikës popullore rreth të 50-ave.

Një tjetër personazh që raportohet se është në diskutim është një moderatore e njohur, e cila prej një ose dy vitesh nuk është shfaqur më në ekran dhe nuk ka qenë aktive në televizion.

Vëmendje ka marrë edhe profili i një reperi të ri, i cili sipas gazetarit ka arritur sukses të konsiderueshëm në muzikë dhe është përfshirë më herët në përplasje artistike me reperë të njohur, mes tyre Fero dhe Don Xhoni.

Në listën e përmendur nga Rexhepi është edhe një gazetare, e cila ka lidhje familjare me një këngëtare të njohur. Krahas saj, gazetari ka dhënë indicie edhe për një influencer, i cili është bërë i njohur në rrjetet sociale për imitimin e personazheve të tjera të njohura online.

Rexhepi ka zbuluar edhe disa të dhëna më specifike për profile të tjera që mund të jenë pjesë e formatit.

“E kemi edhe një këngëtar që është bërë i famshëm për lëvizjet e tij, Bejta. Kemi edhe një profesoreshë, Kaltrina. Dhe në fund e kemi një regjisore.”

Në total, bëhet fjalë për 10 profile të mundshme, ku përfshihen këngëtarë, një moderatore, një reper, një gazetare, një influencer, një profesoreshë dhe një regjisore.

Megjithatë, deri në këtë moment, këto mbeten indikacione dhe raportime paraprake, dhe jo një listë zyrtare e konkurrentëve. Emrat konkretë dhe pjesëmarrja e secilit prej tyre në “Big Brother VIP Kosova 5” pritet të konfirmohen nga produksioni.