Zgjedhjet në PD/ Njësinë nr.2 në Tiranë do ta drejtojë Mirlinda Çollaku

Përditësuar më 2 Dhjetor 2018, 18:47

Zgjedhjet në Partinë Demokratike kanë vijuar edhe sot për të përmbyllur procesin në gjithë vendin, ku risi pa diskutim është Dega nr.2 në Tiranë me kryetaren e re të zgjedhur, Mirlinda Çollaku.

Mirlinda Çollaku eshte diplomuar ne Bullgari per Filologji dhe diplomuar per Drejtesi me Universitetin e Tiranes me Master shkencor per te drejte civile. Eshte Drejtuese e Qendres per te Drejten. Eksperte per te drejtat e autorit e angazhuar ne projekte te BE si eksperte. Folese e disa gjuheve te huaja.

Në procesin zgjedhor ku morën pjesë gjithsej 197 votues, Mirlinda Çollaku mori 113 vota përballë kryetarit aktual, Edison Çela i cili mora 84 vota.

Ndërkohë në Elbasan, Eguen Isai u zgjodh kryetar i ri i Partisë Demokratike me 378 vota, përballë Zamir Muzhaqit, i cili fitoi vetëm 80 vota

Në Kukës u rikonfirmua si kryetar Arif Rexhmati me 118 vota, duke mposhtur kështu Sekretarin organizativ të Degës, Fasli Germizin, i cili mori 16 vota.

Ndërsa në Kuçovë, në garën në mes të Vehbi Luzi dhe Ilir Koxhait, Vehbi Luzi u zgjodhë kryetar y kësaj dege me vetëm 8 vota diferencë nga 180 sa votuan.

Ndryshe, në kuadër të riorganizimit të Partisë Demokratike, Lulzim Basha firmosi urdhrin për strukturat, duke i kërkuar grupit të punës që do të organizojë zgjedhjet, të mbështesë kandidatët dhe t’i sigurojë atyre akses të barabartë.

“Grupi i Punës mbështet kandidatët dhe i siguron akses të barabartë të tyre në: Listat e anëtarësisë. Prezencën e përfaqësuesve të kandidatëve në komisionin e votimit. Prezencën e përfaqësuesve të kandidatëve në procesin e numërimit të votave dhe shpalljen e rezultatit,” theksohet në udhëzimin e firmosur nga Lulzim Basha për zgjedhjet për drejtues lokalë të PD-së që duhet të zhvillohet në periudhën 23 nëntor – 2 dhjetor.

Pra, sot pritet të përfundoi zgjedhor  duke përfshirë edhe krerët e degëve në Tiranë. Në përfundim të këtij procesi do të përzgjedhet edhe figura qendrore për qytetin e Tiranës, i cili do të koordinojë dhe organizojë demokratët në kryeqytet