Zgjidhen kryetarët e degëve në Elbasan dhe Durrës (Emrat)

Kanë përfunduar zgjedhjet në degën e Partisë Demokratike në Elbasan, ku fitues është shpallur Alis Narazani, i cili ka siguruar 477 vota.

Narazani, i njohur edhe si ish-kandidat për deputet në zgjedhjet e vitit 2025, arriti të dalë në krye të një gare me pesë kandidatë për drejtimin e degës lokale të demokratëve.

Në këtë proces morën pjesë edhe Durim Çekrezi, që mbante drejtimin e përkohshëm të degës pas largimit të Blendi Himçi, si dhe Elior Vila, Lumturi Hasa dhe Sokol Shkëlzeni.

Ndërkohë, disa emra u tërhoqën apo u përjashtuan nga gara, mes tyre Doris Madhi, Rudina Alla dhe Zheni Gjergji, kjo e fundit pas emërimit në një detyrë drejtuese në spitalin e qytetit.

Gjithashtu, Alesia Balliu ka shprehur publikisht synimin për të garuar për drejtimin qendror të partisë, përballë Sali Berishës.

Paralelisht, procesi zgjedhor është mbyllur edhe në Durrës, ku drejtimin e degës së Partisë Demokratike e ka fituar Osman Stafa.