11 ditë nga greva e urisë së naftëtareve të Ballshit, gjendja e të cilave sa vjen e përkeqësohetp

Edhe pse gjendja e tyre shëndetësore është e rënduar gratë janë shprehur se nuk do ta lënë grevën, pasi nuk mund të negociojnë për bukën e gojës.

Ata janë shprehur se presin një zgjidhje nga kryeministri Edi Rama që t’i ndihmojë pasi nuk po kërkojnë lëmoshë, por lekët e punës.

“Do ta vazhdojmë grevën, nuk kemi ku të shkojmë. Kryeministri thotë të negociojmë për bukën e gojës, për bukën e fëmijëve nuk negociohet. Nuk po kërkojmë lëmoshë, por lekët e punës sonë,” shkrhet një nga naftëtaret.

Kujtojmë që mbrëmjen e djehsme një nga gratë, Silva Fejzaj, është ndjerë shumë keq nga ana shëndetësore dhe kështu është dërguar me urgjencë në spitalin e Ballshit me automjet privat. Burime bëjnë me dije se gjendja e saj ishte shumë e rënduar, me dhimbje të forta stomaku dhe trupi.