Kryeministri Edi Rama është ende duke vijuar turin e takimeve në qytete të ndryshme dhe sot ka qenë në një takim me biznesmenë ne bashkine e Lushnjes.

Në këtë takim, njëri prej biznesmenëve u ka bërë thirrje shqiptarëve të kthehen në vendin e tyre, pasi rrogat janë rritur dhe se ata japin më shumë seç deklarojnë tek Tatimet. Sinqeriteti i tepruar ka nxjerrë në pah dëmin që po i bëhet shtetit, nga ky mosdeklarim.

Biznesmeni:

Sot tregu ka një etje, që këto miliona euro që ne po diskutojmë, i realizon shumë shpejt industria përpunuese. Ka shumë për të thënë, po unë u bëj thirrje të gjithëve të kthehen, se rrogat ne i kemi çuar më shumë se ç’deklarojmë.

Kësaj deklarate Rama nuk mund të mos i përgjigje. Sipas tij, kjo është në dëm të shtetit por ata e kanë toleruar fshatin.

“Edhe e thotë ky këtë, dhe e dini pse e thotë, sepse ndërkohë ne kemi sektorin më të pataksuar bujqësor të botës. Të gjithë marrin më shumë se ç’deklarohet. Ky është problem për ne si shtet, por të fshati nuk e kemi gërmuar këtë pjesë”, tha kryeministri.