844 raste të reja me koronavirus në 24 orë, humb jetën një 20-vjeçar!

Koronavirusi në vendin tonë ka shënuar një tjetër rritje të rasteve të reja. Në 24 orët e fundit, Ministria e Shëndetësisë raporton 844 të infektuar të rinj nga 7725 testime të kryera në total.

Fatkeqësisht, gjatë kësaj kohe kanë humbur jetën dhe 3 qytetarë, mes tyre dhe një 20-vjeçar nga qyteti i Korçës.

Në Spitalin Infektiv momentalisht po marrin ndihmë mjekësore 91 pacientë. Edhe numri i të shëruarve është rritur.

Në 24 orët e fundit janë shëruar 204 pacientë duke e çuar numrin total të qytetarëve që kanë fituar betejën me COVID në 131,812 që nga fillimi i pandemisë.

Njoftimi i ministrisë së Shëndetësisë:

Ju informojmë për situatën në 24 orët e fundit, si vijon:
Janë kryer 7725 testime, nga të cilat kanë rezultuar pozitivë me Covid19, 844 qytetarë, në këto bashki: 246 raste në Tiranë, 119 në Shkodër, 41 në Durrës, 37 në Vlorë, 35 në Lezhë, nga 29 raste në Kavajë, Krujë, 26 në Sarandë, nga 23 raste në Vau i Dejës, Fier, 21 në Elbasan, nga 20 raste në Berat, Kamëz, 19 në Kurbin, nga 18 raste në Malësi e Madhe, Lushnje, 11 në Kukës, 10 në Kuçovë, 8 në Gramsh, 6 në Vorë, nga 5 raste në Rrogozhinë, Divjakë, Gjirokastër, Pogradec, Peqin, nga 4 raste në Librazhd, Belsh, Kolonjë, Korçë, Selenicë, nga 3 raste në Shijak, Dibër, Patos, Himarë, Maliq, Cerrik, nga 2 raste në Poliçan, Dimal, Devoll, Këlcyrë, Libohovë, Mallakastër, Mat, Has, nga 1 rast në Mirditë, Klos, Delvinë, Përmet, Memaliaj, Skrapar,
Aktualisht janë 7070 pacientë aktivë me COVID19 në të gjithë vendin.

Në Spitalin Infektiv po marrin trajtim 91 pacientë. Me gjithë përpjekjet e mjekëve, në 24 orët e fundit kanë ndërruar jetë tre qytetarë: një qytetar 20 vjeç nga Korça me sëmundje bashkëshoqëruese, një qytetar 69 vjeç nga Shkodra dhe një qytetar 81 vjeç nga Vlora. Ministria e Shëndetësisë dhe Mbrojtjes Sociale u shpreh ngushëllimet familjarëve. Janë shëruar 204 qytetarë gjatë 24 orëve të fundit, duke e çuar numrin e të shëruarve në 131,812 që nga fillimi i epidemisë.

Statistika (25 Gusht 2021)

Raste të reja ditore         844
Të shëruar në 24 orë       204
Të shtruar në spitale         91
Humbje jete në 24 orë        3
Testime ditore              7725
Testime totale       1,013,266
Raste pozitive          141,365
Raste të shëruara     131,812
Raste Aktive                 7070
Humbje jete                2,483

Shpërndarja gjeografike e rasteve aktive sipas qarqeve:

Tiranë         2687
Shkodër      1215
Vlorë            640
Fier              551
Durrës         477
Lezhë          367
Elbasan       332
Berat          269
Gjirokastër 198
Korçë         156
Kukës         102
Dibër            76