Kukësi mbetet pa portier rezervë, Maloku mbyll sezonin!

Në këtë sezon ka patur pak minuta, vetëm 2 ndeshje si titullar në kampionat, megjithatë dëmtimi i tij deri në fund të sezonit ka bërë me dhimbje koke trajnerin e Kukësit Armando Cungu i cili nga tani e tutje nuk do të ketë një zëvendësues të denjë për portierin e parë Stivi Frashëri.

Dëmtimi që pësoi pak ditë më parë në fazën përgatitore në Turqi është më i rëndë sesa parashikohej për portierin kosovar të Kukësit, Faton Maloku i cili tashmë do të detyrohet t’i nënshtrohet një operacioni në tendinë, ndërhyrje që do ta mbajë jashtë fushave të futbollit për 4 deri në 5 muaj çka do të thotë se ky sezon ka përfunduar përpara kohe për Faton Malokun.

Vendin e tij në skuadër si zëvendësues i Frashërit do ta marrë i riu Jetmir Basha i cili mbron portën e Kukësit B.