Historia e pabesueshme e dy binjakëve shqiptarë, që po çmendin Policinë dhe drejtësinë italiane

Janë binjakë homozigotë, si dy pika uji. Praktikisht, kanë kod gjenetik identik dhe pikërisht për këtë arsye gjyqtari është detyruar që ta lirojë Eduardin, njërin prej tyre që ka qenë gjithnjë i pandehuri, pasi ngjashmëria e frikshme në kodin e tyre gjenetik nuk i lejon të kuptojë se kush nga dy binjakët mund të ketë qenë realisht në grabitje.

As Policia Shkencore nuk po arrin të fajësojë dy binjakë të tmerrshëm, të cilëve u pëlqen jeta plot rreziqe, shkruan Shqiptarja.com. Në zonën rurale të Friulit, në Porcia, katër vjet më parë, një Mercedes A ecën me shpejtësi, e ndjekur nga një makinë e karabinierëve. Shoferi e braktis makinën dhe ikën me vrap mes bimëve të panxharit. Hetuesit kontrollojnë timonin dhe levën e kamios. Gjejnë një bisht cigareje. “E kapëm”, mendojnë ata. Në laboratorët shkencorë veçohet ADN-ja e Eduard Trushit, 30 vjeç në atë kohë, shqiptar. Hetuesit ngrenë padi kundër tij dhe ai paraqitet para gjyqtarit bashkë me të vëllain Edmond