LIROHET NGA BURGU MJEKU I QSUT ENES HAFIZI

Ky vendim sipas avokates së tij, Denisa Daka i dha dinjitet e vlerë të gjitha përpjekjeve për këtë rast, por edhe mbështetjes nga njerëzit e thjeshtë e pacientët e tij.

‘Shpresoj shumë që kjo qasje e drejtë e gjyqësorit në këtë rast, të krijojë një standart për çdo rast analog. Shpresoj shumë gjithashtu që  Dr. Hafizi të lejohet të vijojë punën në shërbim të pacientëve, deri në përfundim të hetimeve e marrjes së pafajësisë. Deklaratat e pabaza për mitmarrje apo afera pa u verifikuar rasti, nuk i bëjnë dēm veç njē mjeku, por krejt sistemit. Askush nuk mund tē baltoset apo te penalizohet, pa folur më parë drejtësia. Kjo fitore sot nuk i përket veç Dr. Hafizit, por gjithë kolegêve të tij, familjes së tij posaçërisht’, shprehet avokatja e doktor Hafizit.

Kujtojmë se Hafizi, mjek onkolog, u shfaq javë më parë në një video të emisionit Stop teksa një vajzë nga Kosova i linte një zarf me 1 mijë euro në tavolinë, në mënyrë që doktori t’i jepte mundësinë që një i afërmi i saj të bënte rrezet pa rradhë në QSUT.