Shiu dhe breshëri ,dëmton rëndë prodhimet në Elbasan

Reshje të dendura shiu dhe breshëri përfshinë disa fshatra dhe qytetin e Elbasanit sot pasdite, duke shkatërruar masivet me qershi, vreshta dhe ullishte në disa zona.

Dëmet më të mëdha në bujqësi janë shkaktuar në Njësinë Administrative Labinot Fushë, ku breshëri ka dëmtuar plantacionet me qershi.

Rrebeshi i pa zakontë i shiut dhe breshrit ka bërë që të përmbyten edhe disa banesa dhe rrugë në Krastë si pasojë e daljes nga shtrati të përroit të Manazeres, ndërsa dëme të pallogaritshme raportohen në fshatrat Godolesh, Labinot dhe Bixelle.