“ODIHR rrëzoi 30 qershorin. Ky regjim është i degraduar plotësisht”- Basha propozon: Vetëm një…

Kreu i Partisë Demokratike, Lulzim Basha thotë se ODIHR rrëzoi votimet e 30 qershorit.

Nëpërmjet një postimi në Facebook, Basha thotë se vetëm një ndryshim i thellë i strukturës politike mund ta shpëtojë vendin.

“Edhe pse shumë i kujdesshëm për të mos e acaruar klimën politike, raporti i ODIHR-it i rrëzoi votimet e 30 qershorit. Jo vetëm zgjedhje të paligjshme, jo vetëm zgjedhje një partiake, por edhe zgjedhje të vetë-vjedhura.

Edi Rama kandidoi vetë, votoi vetë, numëroi vetë, dhe prapë manipuloi.

Ky regjim është tashmë i degraduar plotësisht. Vetëm një ndryshim i thellë i strukturës politike, kushtetuese dhe ekonomike të vendit mund të na shpëtojë nga autokracia, krimi, varfëria dhe prapambetja”, theksoi.