Rama bllof edhe me aktorin Ndriçim Xhepa

Ne fakt këtë deklarata vetë Xhepa e ka përgënjeshtruar, kjo video tregon deklaratën e aktorit të njohur që është kundër shkatërrimit të Teatrit dhe ndërtimit të Kullave.

Deklarata është bërë që në 16 shkurt 2018, në emisionin ‘Studio e Hapur’ nga Eni Vasili.

Çfarë publikoi sot Edi Rama:

Duke pasur parasysh kondicionet në të cilat është ndërtuar kjo ndërtesë nga italianët, vitet që kanë kaluar mbi afatin e ekzistencës së saj, pra, trefishi i kohës, duhet prishur dhe duhet të ngrihet një godinë e re.

Dhe vlerat e traditës së këtij institucioni për më shumë se 70 vjet, duhet të ruhen me fanatizëm nëpër arkiva të një teatri serioz sepse kam përshtypjen se nuk jemi aq të respektueshëm dhe dinjitozë në ruajtjen e vlerave të gjeneratave të kaluara, ashtu si ndodh në çdo institucion dinjitoz europian.

Janë këto disa probleme, që unë i konstatoj prej shumë vitesh në institucionin ku punoj prej 37 vitesh.