Përplasja me thika dhe armë në Fier, flasin mjekët e spitali

Mjekët e spitalit të Fierit thonë se në ambientet e tyre janë të shtruar pesë persona, dy prej të cilëve në reanimacion por jashtë rrezikut për jetën.

Sipas mjekëve, personi i qëlluar me armë ka plagë sipërfaqësore nga plumbat.

“Në spitalin e Fierit kemi 5 persona, dy janë në reanimacion dhe tre persona të tjerë janë në pavion jashtë rrezikut. Njëri nga pacientët ka bërë operacion, pacienti tjetër kishte një plagë shpuese, personi i plagosur me armë zjarri kishte dy plagë në kyçin e dorës dhe në shpatull, pa qenë plumbi prezent brenda dhe dy persona të tjerë të rrahuar me trauma sipërfaqësore. Ne kemi reaguar menjëherë. Për gjithë pacientët i është kryer ekzaminimi“, thanë mjekët.