David McAllister përshëndet Bashën gjatë kongresit të Kristian-Demokratëve në Gjermani

Kryetar i Komisionit të Jashtëm në Parlamentin Europian dhe anëtar i Kryesisë së CDU, David McAllister bëri një përshëndetje të veçantë sot për kryetarin e opozitës shqiptare, Lulzim Basha. 

Gjatë punimeve të kongresit të Kristian-Demokratëve, ndryshe nga protokolli i përhershëm, Lulzim Basha  është përshëndetur nominalisht nga David McAllister, një ndër figurat kryesore të CDU.

McAllister në cilësinë e drejtuesit të sesionit plenar të Kongresit të CDU që zhvillohet në Lajpcig, ai e cilësoi liderin e opozitës shqiptare “si një nga miqtë e veçantë” të partisë së kancelares Merkel.

Lulzim Basha, kreu i Partisë Demokratike është i ftuar në punimet e kongresit të Kristian-Demokratëve gjermanë.

Pas fjalës përshëndetëse të McAllister nga podiumi i Kongresit e morën fjalën Kancelarja gjermane Angela Merkel, Presidentja e re e Komisionit  Europian Ursula von de Leyen si dhe Kryetarja e CDU dhe Ministrja e Mbrojtjes Annegret Kramp-Karrenbauer.