Autoriteti i Aviacionit Civil njoftim: Anulimet e fluturimeve të datës 19 janar nga mjegulla
Te gjitha pasagjeret qe u preken nga vonesat dhe anulimet e fluturimeve te planifikuara ne daten 19 janar, per shkak te motit te keq me mjegull te dendur, do t’i kryejnë të gjitha fluturimet e vonuara/anulluara brenda ditës së sotme, por me vonesa.
Keshtu njofton sot Autoriteti Aviacionit Civil (AAC), duke ftuar te gjithe te interesuarit te jene te vemendshem dhe te mbahen ne kontakt me kompanite ajrore perkatese.
Njoftimi i Autoritetit te Aviacionit Civil (AAC)
Njoftim i rëndësishëm për të gjithë pasagjerët e prekur nga vonesat/anullimet e fluturimeve të datës 19 janar 2020, për shkak të motit të keq.
Njoftohen të gjithë pasagjerët e prekur nga vonesat/anullimet e fluturimeve të djeshme për/nga Aeroporti Ndërkombëtar i Tiranës, se për shkak të mjegullës së dendur, kompanitë ajrore Air Albania, Alitalia, Austrian Airlines, Albawings, Air Serbia, Blue Panorama, Pegasus dhe Wizz Air, do t’i kryejnë të gjitha fluturimet e vonuara/anulluara brenda ditës së sotme, por me vonesa.
Pasagjerët duhet të presin udhëzimet nga kompanitë ajrore dhe të zbatojnë oraret që do të marrin prej tyre, përpara se të nisen për në aeroport.
AAC informon publikun, se ngjarje të tilla të lidhura me kushtet të pazakonta të motit janë të pranueshme në industrinë e aviacionit, ku kryesore për pasagjerin mbetet siguria në operim.
Fluturim të mbarë dhe të sigurt!
Keni një histori? Denonco anonimisht, identiteti juaj mbrohet.
Denonco
