Qytetarja i ankohet Ramës: Qiraxhiu s’ka marrë bonusin, na kërkon lekët

Ditën e sotme kryeministri Edi Rama ishte në qytetin e Durrësit ku inspektoi nga afër punën për rikonstruksionin e pallateve që nuk kishin dëmtime në strukturën mbajtëse.

Teka u përball me disa banorë të prekur nga tërmeti në lagje të ndryshme të qytetit, Rama u ka kërkuar atyre të bëjnë durim.

Një banore e shoqëruar nga bashkëshorti i saj bëjnë me dije se qiraxhiu i kërkon lekët sepse nuk është paguar nga shteti.

Rama: Duhet pak durim.

Banorja: Dy muaj

Rama: Dy muaj nuk janë asgjë.

Banorja: Po ne nuk na kanë thënë gjë kur do bëhen.

Banorja: Jam rrugëve. Nuk e kanë paguar qiranë.

Burri i banores: S’ka marrë bonusin. Jam në shtëpi, po ai kërkon lekët.

Rama: Ai lekët i ka të garantuara përderisa ti ke letrën. Të gjithë ata që kanë letrën ata janë të garantuar dhe në rast kur pronarët krijojnë problemet ju duhet të na e bëni ne me dije. Në Itali kanë 15 vite që janë nëpër kabina dhe presin tu bëhet shtëpia.

Kryeministri Edi Rama u përfshi në diskutime sot me një qytetare të qytetit të Durrësit, pasi kjo e fundit deklaroi se pallatet e dëmtuara nga tërmeti po amortizohen dhe po u vidhen instalimet përditë.

Teksa i kërkoi që të mos flasë pa lidhje, kryeministri i shpjegoi se nëse instalimet vidhen do të rregullohen nga pronari i pallatit dhe ajo si qytetare do hynte në shtëpi të rregullt, duke mos paguar asgjë.

Diskutimi me qytetaren:

Qytetarja: Deri tani nuk ka filluar asgjë, përveçse në pallatin tonë po të afroheni janë futur edhe koshat brenda. Po na vidhen apartamentet. Nga shkallët e pallatit janë vjedhur të gjithë instalimet e brendshme të apartamenteve.

Rama: Një sekondë.

Qytetarja: Nuk kemi askënd që ruan objektin.

Rama: Një sekondë. E para mos fol pa lidhje.

Qytetarja: Po flas me lidhje dhe me fakte konkrete.

Rama: Kur thua nuk ka filluar asgjë. Mu këtu përballë e ke që po mbaron dhe si këtu kanë filluar edhe në vende të tjera.

Qytetarja: Ne flasim për personale.

Rama: Në rregull, por mos thuaj nuk ka filluar asgjë. Nuk kemi ne aq njerëz dhe mundësi, se nuk, i ka askush në botë saç janë apartamente. Ne gjërat do t’i bëjmë me radhë.