Jep dorëheqjen drejtori i spitalit të Kavajës

Nuk dihen ende shkaqet që kanë çuar drejtorin e spitalin të ndërmarrë këtë akt.

Kujtojmë që dorëheqja e Përparim Daiut, vjen pak ditë pas lajmeve për karantinë në spitalin e Kavajës, nëse do ketë raste me koronavirus në Shqipëri.

Më herët, Sekretari i Përgjithshëm i PD-së, Gazmend Bardhi deklaroi se ngritja e një karantine për koronavirusin në mes të një qendre të banuar është kërcënim serioz për jetën e të gjithë banorëve.

‘I bëj thirrje të gjithë bashkëqytetarëve të mi të mos e pranojnë trajtimin nga Edi Rama si banorë të parëndësishëm, jeta e të cilëve nuk ka rëndësi për Kryeministrin. Karantinën ta ndërtojë në shtëpinë e tij në Surrel, jo në Kavajë!’, shkruan ndër të tjera Gazment Bardhi, sekretar i Përgjithshëm i PD.

Ndërkohë dje, Shefja e Departamentit të Sëmundjeve Infektive Silva Bino, mohoi që qendra shëndetësore në Kavajë do të përdorej si karantinë, ndërsa shtoi se janë marrë të gjitha masat e nevojshme për identifikimin e personave të infektuar me këtë virus.