Probleme me pasurinë, shkarkohet nga detyra gjyqtari Andi Civici

Mësohet se ai nuk ka qenë i pranishëm gjatë vendimit të dhënë nga KPK.

Komisioni ka hetuar pasurinë kryesore të gjyqtarit, një apartament me vlerë 155 mijë euro të blerë në vitin 2011 në Tiranë, me burim shitjen e një apartamenti në Vlorë dhe një hua prej 40 mijë eurosh nga vjehrri.  Relatorja e trupës gjykuese Valbona Sanxhaktari ka shpjeguar se edhe apartamenti në Vlorë ishte blerë pas marrjes së 3 milionë lekëve hua nga vjehrri, po aq nga daja i bashkëshortes dhe 1 milion hua nga babai i gjyqtarit.

Komisioni konstatoi se vjehrri i Civicit rezultonte të kishte pasur likujditete në vlera në konsiderueshme në bankë dhe se provohej që kishte qenë i regjistruar si avokat që pej vitit 1998 deri në vitin 2004.

Kujtojtojmë që Andi Civici e ka filluar karrierën në sistemin gjyqësor në vitin 2003 si gjyqtar në Gjykatën e Fierit. Në vitin 2010, Civici është emëruar gjyqtar i Apelit të Vlorës, funksion të cilin e ka mbajtur deri në vitin 2016, kur u transferua në Gjykatën e Apelit Tiranë.