Vetingu,shkarkohet nga detyra kryegjykatësi i Vlorës

Sipas Komisionit të Pavarur të Kualifikimit Haluci nuk justifikon pasurinë.

Mësohet se në vitin 2015 kryegjykatësi i Vlorës ka blerë 1400 m2 tokë në Sauk në të cilën ka ndërtuar një shtëpi pa leje. Kjo shtëpi më pas është futur në proces legalizimi.

Por sipas KPK-së, kjo pronë nuk përputhet me deklaratat e pasurisë ndër vite të bëra nga kryegjykatësi. Ky është problemi i parë për Halucin gjatë procesit të vettingut, që solli dhe shkarkimin e tij nga detyra.

Ndërkaq kujtojmë se një ditë para se të dalë në komision, Haluci kishte kërkuar ndryshimin e trupës gjykuese. Kjo kërkesë u rrëzua para dy ditësh në nisje të senacës dëgjimore nga KPK.

Kujtojmë se Skënder Haluci është në krye të Gjykatës së Vlorës prej vitit 2010.