Një doktor që u takua me presidentin rus Vladimir Putin para një jave ka rezultuar pozitiv në testin për virusin Covid-19.
Lajmin e bën me dije televizioni rus Rossiya 24. Putin vizitoi javën e kaluar spitalin Kommunarka në Moskë ku diskutoi për disa çaste me doktorin Denis Protsenko. Në rrjetet sociale tashmë po qarkullojnë fotografi nga momenti kur putini flet me doktorin dhe i jep atij dorën, pa patur masa mbrojtëse.
Kremlini tha këtë të martë se Putini testohet regullisht për koronavirus, dhe se “gjithçka është mirë”, raportoi agjencia e lajmeve RIA.
