Stilisti i famshëm Italian i këpucëve Sergio Rossi ka ndërruar jetë pas komplikacioneve nga Covid-19. Ai ishte 84-vjeç.
Lajmin e ka konfirmuar djali i tij, Gianvito duke thënë se i ati ndërroi jetë në një spital të Cesenas në Itali.
Rossi e trashëgoi zanatin nga i ati dhe në vitin 1968 themeloi kompaninë e famshmë të këpucëve për gra të punuara në mënyrë artizanale.
Më pas marka e tij fitoi rëndësi të madhe për stile të rafinuara dhe të sofistikuara në vitin 1990.
Rossi dizajnoi këpucë për shtëpitë e famshme të modës si Versace, Dolce & Gabbana dhe Azzedine Alaia.
