Sir Jeremy Farrar i bëri komente teksa numri i viktimave nga koronavirusi në Britani do e kalojë shifren 10 mijë të dielën, raporton BBC.
Të shtunën, Britania ka regjistruar 917 viktima nga koronavirusi i ri.
Duke folur për BBC, Farrar tha se “Britania ka gjasa që të bëhet vendi më i prekur keq në Europë”
Aktualisht Italia ka numrin më të lartë të vdekjeve: mbi 19 mijë. Më pas vjen Spanja, Franca dhe Britania. Gjermania nga ana tjetër ka më pak se 3 mijë vdekje.
Sir Jeremy tha se Gjermania ka treguar një shkallë të pabesueshme testimesh dhe një numër shumë të ulët pranimesh në spital.
“Natyrisht duhet të mësojmë prej tyre,” tha ai.
***
Sara Trollope infermierja britanike 51-vjeçare ka humbur jetë si pasojë e Covid-19.
Zonja Trollope kishte punuar në Spitalin Hillingdon, në perëndim të Londrës, dhe është vlerësuar për punën e saj me njerëz të moshuar.
Kujtojmë se e ndjera kishte bërë dhe një foto me kryeministrin Boris Johnson, i cili po ashtu është i infektuar me Covid dhe ditën e sotme ka lënë spitalin, për të vazhduar kurimin në shtëpi.
