Çuri: Rama e prishi teatrin sepse do të jetë ‘babai i Tiranës së re’, ta themelojë qytetin sipas imazhit të vet

Në emisionin Zonë e Lirë, Çuri ka vijuar më tej duke u shprehur se Rama do të jetë “babai i Tiranës së re”, ta ndërtojë qytetin sipas imazhit të tij.

“Në histori, udhëheqësit më të mëdhenj kanë mbetur ata që kanë prishur ndërtesa. I pari që njihej për këtë metodologji është Jul Cezari. Edhe Justiniani prishi çdo ndërtesë të rëndësishme që i përkiste paganizmit. Do t’i bëjë këto që të heqi çdo gjurmë të qytetërimeve të mëparshme që kanë kaluar, do të bëhet themeluesi, ideatori, babai i Tiranës së re. Stadiumi iku, u bë sipas Ramës, Teatri iku, Teatri i Kukullave pritet, do ta themelojë qytetin sipas imazhit të vet mbi të bukurën. Hormonet e tij të lumturisë aty lëvizin, nuk do i ndahet kësaj ideje, ai e beson këtë gjë. Padurimi i tij është se mos e pengojnë që këtë pikturë ta mbarojë deri në fund”, u shpreh Arjan Çuri.