Përditësuar më 6 Tetor 2017, 15:09

Basha : Në vend që të kërcënojë sipërmarrësit e vegjël që punojnë sa për të mbajtur gjallë familjet e tyre, Edi Rama duhet t’u bëjë të ditur shqiptarëve sa para u ka dhënë nga buxheti i shtetit oligarkëve këto katër vite: oligarkët e shëndetësisë e të ilaçeve, oligarkët e ndërtimit, oligarkët e koncesioneve, oligarkët e naftës dhe të telekomunikacionit.
Pastaj t’u tregojë shqiptarëve edhe sa taksa kanë paguar këta oligarkë në buxhetin e shtetit.
Por ai nuk i tregon dot këto fakte, sepse ato zbulojnë një të vërtetë kriminale: zhvatjen e pamëshirshme të njerëzve të thjeshtë për pasurimin e Edi Ramës dhe klientëve të tij.

Ti mor shok na fute ne dhè fare…

Pas akuzës së Ramës për opozitën, se ajo po i bëhet krah informalitetit dhe premtimit të kryeministrit se qeveria është në mbrojtje të njerëzve të zakonshëm, plasin komentet në faqen e tij në Facebook.

Qytetarët ankohen dhe e akuzojnë se po i fundos nga dita në ditë. “Ti mor shok na fute ne dhè fare…kam nje bar kafe e kshu si i ke bere punet ti me taksat,sigurimet i ngrite te gjitha tani i fute e tvsh biznesit te vogel e hajt ti vejm celsin lokalit…po nuk me thua,cfare te bej tjeter?!lakra e pras ti nuk le te shes ne rruge…hajdut e vrases nuk behem dot…atehere cte bej?!”- i shkruan nje komentues.