Të paktën 50 eurodeputetë janë vjedhur gjatë kohës së karantinës së madhe, kur u përpah koronavirusi. Hajdutët kanë hyrë në Parlamentin Europian dhe kanë marrë kompjutera, tableta dhe sende të tjera në zyrat e Brukselit.
Vjedhjet kanë ndodhur kur e gjithë selia ishte e boshatisur, ndërkohë që hajdutët kishin hyrë për të marrë dokumente dhe sende me vlerë. Deputeti gjerman Nico Semsrott, i cili kishte dy laptopë të vjedhur, tha se është i zhgënjyer nga mungesa e përgjigjes nga DG SAFE e Parlamentit Evropian, i cili merret me sigurinë.
“Ky është një skandal i madh dhe nuk e di pse të gjithë po e mbyllin gojën,” i tha ai POLITICO. “Ne jemi të sigurtë se hajdutët kanë parë dhe kanë marrë çdo gjë që u është dashur, se vendi ishte shumë i çrregullt”, tha Semsrott. Ai tha se DG SAFE nuk i kishte paralajmëruar eurodeputetët për vjedhjet.
Në mars, Presidenti i Parlamentit David Sassoli prezantoi masa të rrepta për të ndaluar hyrjen e vizitorëve të jashtëm dhe inkurajoi eurodeputetët dhe stafin që të punojnë nga vendet e tyre të lindjes si një masë paraprake kundër përhapjes së virusit. Parlamenti mbeti kryesisht bosh deri në maj.
