Salianji: Fleta e votimit i mban koalicionet, por s’ja mban Ramës të përballet

Sipas ish-deputetit demokrat, kjo është arsye se pse Rama kërkon t’i ndalojë koalicionet parazgjedhore.

Përmes një shënimi në facebook, Salianji thotë se kryeministri në këto 2 mandate pasuroi një grusht njerëzish dhe varfëroi shqiptarët, prandaj dhe në zgjedhjet e ardhshme do të humbasë.

Reagimi i plotë i Salianjit

Rama ka frikë nga zgjedhjet dhe përballja me qytetarët, nê 2 mandate ai ka pasuruar vetëm një grusht njerëzish dhe ka varfëruar Shqipërinë, Ramës nuk ja mban tê pêrballet me opozitën në zgjedhje.

Prandaj qëllimi i tij është të pengojë koalicionet nga frika e përballjes në zgjedhje, fleta e votimit me lista të hapura dhe koalicione është e thjeshtë, zgjedh partinë dhe zgjedh kandidatin!

Listat e hapura e çojnë vendimmarjen tek qytetarët por Rama kërkon ti mbajë mbyllur dhe të përcaktojë ai fituesit dhe qytetarët të përcaktojnë humbësit me më shumë vota.