Zjarr në katin e pestë të një pallati, flakët rrezikojnë edhe banesat e tjera

Një banesë është përfshirë nga flakët në qytetin e Shkodrës. Ngjarja ka ndodhur mesditën e kësaj të hëne pranë Urës Dervishbeg.

Zjarri ka rënë në një banesë në katin e pestë të një pallati, ndërsa ende nuk dihen arsyet. Për fat të mirë në banesë nuk ka pasur persona, por nga flakët rrezikojnë edhe banesat e tjera të pallatit.

Forcat zjarrfikëse kanë mbërritur në vendngjarje dhe po punojnë për neutralizimin e flakëve.