Kryetarja e LSI-së Monika Kryemadhi ditën e sotme ka qenë në qytetin e Ballshit, ku ka vizituar naftëtaret që janë në grevë urie prej 3 ditësh.
Gjatë bashkëbisedimit të tyre, naftëtaret janë shprehur se nuk kërkojnë asgjë tjetër veç bukës së gojës, ndërsa kanë thënë se disa prej tyre vuajnë edhe nga sëmundje të rënda.
Kryemadhi është përlotur teksa një qytetare bën thirrje që kushdo që mundet të organizojë një konferencë dhe t’i japë zgjidhje kësaj situate.
“Ta lëmë politikën mënjane dhe kush ka mundësi, nga të gjitha anët, të mblidhemi, të bëni një konferencë dhe t’i jepni një zgjidhje. Kushdo qoftë, Kejdi, Monika, tjetri, tjetri, kushdo qoftë”, u shpreh një grua.
