Me një raund mposht kundërshtarin boksieri shqiptar

Bisha” shqiptar e nisi menjëherë me vrull ndeshjen dhe vuri përpara kundërshtarin e tij me goditje të forta dhe të befasishme. Marku e hodhi dy herë në tapet, por kundërshtari i tij e vazhdoi dyluftimin. Shqiptari nuk u ndal dhe e rrëzoi për herë të tretë me një goditje të fortë në fytyrë.

Gjyqtari ndaloi menjëherë ndeshjen, pasi kundërshtari i tij nuk po reagonte. Marku vazhdon rekordin e tij të pathyeshmërisë dhe merr fitoren e 7 në 7 ndeshje të dueluara në ring.

Në përfundim të këtij triumfi spektakolar, Marku i ka emocionuar të gjithë me deklaratën në gjuhën më të bukur në botë duke u shprehur:

“Faleminderit të gjithëve për përkrahjen ju kamë thënë se unë kur futem brenda në ring jap shpirtin, se kjo është ajo që e dua më së shumti, faleminderit për përkrahjen”.

Boksieri shqiptar nuk ka nguruar t’i lëshojë sfidë një nga boksierëve më të mirë britanik të kësaj kategorie, Konor Ben, i cili sipas Markut ka frikë të ndeshet me luftëtarin shqiptar.