E infektuara me COVID-19 tenton të futet në Shqipëri, policia e arreston
Një shtetase kosovare e infektuar me COVID-19 është arrestuar nga policia ditën e djeshme, pasi ka thyer karantinimin dhe ka tentuar të futet në territorin e Shqipërisë.
Ngjarja ka ndodhur në pikën kufitare të Vermicës, ku është dashur ndërhyrja e policisë që e infektuara të mos bëhej “bombë” infektimi për persona të tjerë.
Kjo nuk është hera e parë që persona të infektuar thyejnë masën e izolimit, por pasi janë kapur janë përballur me gjoba të majme, madje edhe me burg.
“PKK. Vermicë, 20.11.2020-17:00. Është raportuar se ndaj të dyshuarës femër kosovare është hapur rast pasi që e njëjta derisa ka qenë me Covid 19, duke mos u përmbajtur rekomandimeve ka dalë nga vetë izolimi”, thuhet në njoftimin e policisë.
Keni një histori? Denonco anonimisht, identiteti juaj mbrohet.
Denonco
