29 vjeçares i sekuestrohen 20 mijë paund të padeklaruara
Një 29 vjeçare është proceduar penalisht nga Policia e Rinasit, pasi nga kontrolli që i është bërë sendeve të saj personale, janë gjetur të fshehura 20 mijë paund të fshehura në një valixhe.
Shërbimet e Policisë Kufitare në Rinas, bazuar dhe në analizën e riskut, kanë ndaluar për kontroll në vijën e dytë, në hyrje të Republikës së Shqipërisë, shtetasen V. D., 29 vjeçe.
Gjatë kontrollit fizik dhe në valixhen e saj janë gjetur dhe sekuestruar në cilësinë e provës materiale 20.000 paund, të cilat kjo shtetase nuk i kishte deklaruar.
Në përfundim të veprimeve hetimore, shtetasja V. D. u procedua penalisht për veprën penale “Mosdeklarimi i të hollave dhe sendeve me vlerë në kufi”.
Keni një histori? Denonco anonimisht, identiteti juaj mbrohet.
Denonco
