U hodh nga kati i 7 i pallatit dhe ra mbi fast food, i plagosuri është pedagogu i Elbasanit,

65 vjeçari fatmirësisht ka mundur të jetojë pasi ka rënë në tarracën e një fast food-i, në fund të pallatit. Forca të shumta policie dhe ambulanca kanë shkuar menjëherë në vendngjarje dhe e kanë dërguar në spital pedagogun Oga.

Për shkak të orarit të vonë, fast food-i në pronësi të shtetasit Ilir Zekthi nga Belshi ka qenë i mbyllur. Kjo i ka detyruar forcat e Policisë që të thyejnë xhamat e tij dhe të futen brenda për të shpëtuar banorin që ishte hedhur nga kati i 7 i pallatit.

Burimet bëjnë me dije se pedagogu Jakov Oga ishte infektuar me Covid-19 dhe po merrte mjekim në shtëpinë e tij. Por, për shkak të gjendjes së rënduar psikologjike, ai ka tentuar t’i japë fund jetës.

Fillimisht u raportua se fast food-i ishte sulmuar gjatë natës dhe i ishin thyer xhamat, por tashmë bëhet me dije se ngjarja ka qenë krejt ndryshe.