Maurizio Vallone, drejtori i DIA-s, Drejtorisë Hetuese Antimafia në një intervistë të fundit ka folur në lidhje me organizatat mafioze të huaja që kanë shtrirë aktivitetin e tyre në Itali dhe më gjerë.
Për sa i përket mafias shqiptare, ai shprehet se organizatat shqiptare klasifikohen si aktorë të besueshëm dhe të aftë të transportojnë sasi të mëdha kokaine dhe heroine.
Ai shprehet se shqiptarët Ata janë gjithashtu të përfshirë në administrimin dhe transportimin përmes detit të dërgesave masive të marijuanës, ndërsa shton se vendi ynë është edhe prodhues i drogës, raporton newsbomb.
“Në trafikun e drogës janë mbi të gjitha organizatat shqiptare që kualifikohen si aktorë veçanërisht të besueshëm dhe tani plotësisht të vendosur në skenën ndërkombëtare. Kjo edhe për shkak se ata janë të aftë të transportojnë sasi të mëdha të kokainës dhe heroinës përmes bashkëpunimit të bashkatdhetarëve të pranishëm në vendin amë, në Amerikën Qendrore dhe në vendet e tjera të Evropës, veçanërisht në Hollandë, shpesh duke e vendosur veten në biznes, si ndërmjetës të besueshëm, me mafien kalabreze, kampania dhe siciliane ose me matrica të tjera kriminale. Ata janë gjithashtu të përfshirë në administrimin dhe transportimin përmes detit, të dërgesave masive të marijuanës, Shqipëria është një vend prodhues, shpesh në marrëveshje me krimin e Apulisë”, u shpreh Vallone.
