“45% e popullsisë jeton me 6 dollarë në ditë”- Artan Fuga: Situata duhet të merret më me seriozitet

Akademiku Artan Fuga thotë se do të ishte rast fatlum nëse 45 përqind e popullsisë jeton me 6 dollarë në ditë.

Teksa ka postuar një grafik, Fuga thotë se në sondazhet më të fundit kombëtare rezulton se 30% e familjeve me mesatarisht 3 deri 4 persona kanë jo më shumë 400 mijë lekë të vjetra në muaj, pra aty te 380 dollarë në muaj, pra 3 ose katër dollarë në ditë për frymë.

Sipas Fugës situata duhet marrë më me seriozitet. Kryedemokrati Lulzim Basha, sot tha, se sipas Bankës Botërore, rreth 41.5% e popullsisë jeton me më pak se 5.5 dollarë në ditë.

Postimi i plotë:

Shumë optimiste që 45 përqind e popullsisë jeton me 6 dollarë në ditë. Ky do të ishte rast fatlum. Ne disa sondazhe kombëtare rezulton ndryshe, situata duhet të merret më me seriozitet.

Ja një nga sondazhet më të fundit:

30 përqind e familjeve me mesatarisht 3 deri 4 persona kanë jo më shumë 400 mijë lekë të vjetra në muaj, pra aty te 380 dollarë në muaj.

Kjo do të thotë me jo më shumë se 3 ose katër dollarë në ditë për frymë.