Treni 100% elektrik, Bashkia e Tiranës fillon testimin

Në rrugët e Tiranës ka filluar sot prej Bashkisë testi i parë i autobusëve 100% elektrikë.

Kjo është njoftuar nga vetë kreu i Bashkisë, Erion Veliaj sipas të cilit, testi fillon pikërisht me një autobus të tipit “Solaris Electric Urbino”, 12 metra, që është shpallur autobusi i vitit për 2017.

“Nëse jeni sipërmarrës që jeni në fushën e transportit ose doni të futeni në këtë fushë, Bashkia e Tiranës do të operojë me atë që ne e quajmë diskriminim pozitiv, që do të thotë që në garat tona ne do ti japim më shumë pikë atyre që përdorin teknologji si autobusat elektrikë. Ashtu sikurse kemi filluar me taksitë që i licencojmë me prioritet taksitë elektrike, përpara taksive tradicionale”, u shpreh kryetari i Bashkisë Tiranë, Erion Veliaj.