Një aksident i rëndë, por fatmirësisht pa viktima ka ndodhur sot në mesditë në autostradën Tiranë-Durrës.
Katër automjete janë përplasur me njëra-tjetrën, dhe mendohet se shkak për këtë është bërë një prej mjeteve që tentoi të parakalonte. Ky incident i rëndë ka shkaktuar kaos në trafik duke bllokuar një pjesë të rrugës.
Lëndimet në njerëz kanë qenë të lehta, por dëme të shumta materiale. Policia ka mbërritur në vendngjarje dhe po punon për zbardhjen e plotë të aksidentit. Edhe ambulanca ndodhet aty për t’i dhënë ndihmën e parë personave të lënduar.
