Dom Gjergj Meta mesazh për zgjedhjet e 25 prillit: S’është rasti të votohen kandidat me të kaluar të dyshimtë

Kisha Katolike ka dalë me një mesazh të fortë për zgjedhjet parlamentare në Shqipëri që do të mbahen më 25 prill.

Në fjalën e tij në konferencën për mediat, Dom Gjergj Meta vuri theksin tek situata ekonomike në vend si dhe te fenomeni i largimit të të rinjve.

Ndërsa foli edhe për fenomenin e shit-blerjes së votës, duke e quajtur “një plagë e madhe që duhet të zhduket medoems e në cdo rast”.

“Kush e shet votën me para ka shitur dinjitetin ne vet e të familjes dhe nuk ka më të drejtë të kërkojë llogari.

Kush e blen votën duke përfituar nga varfëria e votuesve s’është i denjë të ulet në karrigen e deputetit.

E papranueshme më pas është edhe fakti që bashkëngjitur shit-blerjes së votës i shtohet edhe betimi mbi librat e shenjtë mbi bibël apo kuran pasi është marrë para, betimi, beja është e papranueshme në këtë rast.

I papranuesnhëm është votimi nën formën e kërcënimit apo vendit të punës.
Puna është fryt i meritokracisë e jo i partitizmit”.

Dom Gjergj Meta gjithashtu tha se zgjedhësit duhet të votojnë kandidatë që nuk kanë elementë të dyshimtë për të kaluarën e tyre.

“Ne si ipeshkvi duhet të themi që nuk është rasti të votohen kandidat me të kaluar të dyshimtë, integriteti duhet të jetë kusht i demosdoshëm që zgjedhësit të zgjedhin me liri atë që dua ta përfaqësojë në Parlament.

Qytetarët kannë të drejtë e detyrë të mos e shesin e keqpërdorin votën”.

Në fund, Dom Gjergj Meta tha se “ne urojmë që më datë 25 prill secili të ushtroje të drejtën dhe detyrën e votës, i lutemi Zotit që me ndërmjetësinë e Zojës së Shkodrës të ndihmojë shqiptarët në këto momente të rëndësishme. Shpresojmë që vendi jonë të dalë më i mirë nga zgjedhjet e datës 25 prill”.