Pse nuk u lajmëruan qyetarët në Gjermaninë e përmbytur

Një ditë më parë, një grup qytetarësh shqiptarë morën guximin për të denoncuar skandalin e patronazhistëve, të cilin mediat e huaja e kanë krahasuar me Sigurimin e Shtetit në komunizëm.

Ekspertët thonë se Kushtetuta nuk e lejon që të përdoren dhe të përpunohen të dhënat e qytetarëve pa marrë më parë miratimin e tyre me shkrim.

Megjithatë, socialistët i kanë përdorur masivisht këto të dhëna. Vetë kryeministri ka abuzuar personalisht, duke i përdorur të dhënat e shqiptarëve për të shpërndarë mesazhe personale për secilin.

Por për të bërë dallimin se sa të rëndësishme janë të dhënat personale, duhet të hedhim sytë nga Gjermania.

Përmbytjet e fundit atje kanë shkaktuar qindra të vdekur dhe miliarda euro dëme.

Pasojat janë kolosale dhe diskutimi kryesor në Gjermani është se përse nuk ka funksionuar sistemi i paralajmërimit masiv.

Një SMS për çdo qytetar do të kishte mjaftuar: “Kujdes: përmbytje, ka rrezik vdekje”.

Sipas gazetës BILD, kjo gjë nuk ka ndodhur pasi dërgimi në masë i mesazheve SMS duhet bërë vetëm nëse marrësit kanë dhënë paraprakisht miratimin e tyre.

Në Shqipëri, të dhënat e qytetarëve janë përdorur barbarisht nga personazhe me precedentë kriminalë, por kjo nuk e ka ndalur kryeministrin që të krenohet me atë që ka bërë.

Në Gjermani po shqyrtohet mundësia e ndryshimeve të nevojshme për paralajmërimin e qytetarëve në rast të katastrofave.