Emrat e zyrtarëve të arrestuar nga SPAK në Dibër

Detaje të reja kanë dalë nga operacioni i SPAK në Zyrën Vendore të Arsimit në Dibër dhe Këshillin e këtij Qarku.

Panorama.al mëson përmes burimeve se janë ndaluar tre zyrtarë të këtyre institucioneve nën akuzën e korrupsionit.

Nga ky aksion janë ndaluar Fitim Farruku, shef finance në Këshillin e Qarkut, Lul Dani polic bashkiak në Bashkinë e Dibrës, bashkëshorti i drejtoreshës së Zyrës Vendore të Arsimit si dhe Halit Shehu, specialist Pyjesh.

Aktualisht hetimet nga SPAK janë në vijim e sipër teksa po bëhet verifikimi i disa dokumenteve të sekuestruara ditën e sotme në këto dy institucione.

Deri më tani nuk dihet se në çfarë afere korruptive janë përfshirë zyrtarët teksa pritet në vijim një informacion nga ana e Prokurorisë së Posaçme.