Ndryshimet kushtetuese për zgjatjen e mandatit të vetingut/ Kreu i ONM: Do jetë e mjaftueshme për të përmbyllur procesin. S’do lejojë të nisë gjithçka nga fillimi

Drejtuesi i bordit të ONM, Maciej Popowski, në mbledhjen e Këshillit të Legjislacionit ka mbështetur zgjatjen e mandatit të organeve të vettinut.

Popowski ka thënë në këtë mbledhje se në emër të Komisionit Evropian kjo iniciativë është shumë e rëndësishme. Më tej ai ka theksuar se mbështesin amendamentin për zgjatjen e detyrës së anëtarëve të KPK-së dhe Komisioneve Publike.

ONM e quan të rëndësishme zgjatjen e vettingut. Popowski ka nënvizuar se procesi do të bëhet nën monitorimin e ONM.

“Në emër të Komisionit Evropian ju them se kjo iniciativë është e rëndësishme
E mbështesim amendamentin për zgjatjen e detyrës së anëtarëve të KPK-së dhe Komisionerëve Publikë
ONM e quan të rëndësishme këtë zgjatje që vettingu të përfundojë me sukses
Kjo do të lejojë të mbarojnë çështjet duke patur parasysh kapacitetet e zhvilluara dhe eksperiencën e krijuar

Puna që është bërë deri tani të mos humbet e të mos fillojë gjithçka nga fillimi
Do të vazhdojë dhe monitorimi nga ONM njëkohësisht

Këta muaj shtesë që parashikojnë do të jetë i mjaftueshëm për të përfunduar çështjet dhe për të përmbyllur më pas këto institucione”, tha Popowski.