Këlliçi i kërkon Lulzim Bashës të lirojë zyrën deri më 5 janar

Komisioni i Rithemelimit të PD ka shkuar në selinë blu për të mbajtur një konferencë për mediat, por ajo që bie në sy është mungesa e ish-kryeministrit Sali Berisha.

Komisioni i Rithemelimit të PD ka shkuar sërish në selinë e PD, por ish-kryeministri Sali Berisha mungonte.

Anëtari i Komisionit të Rithemelimit Belind Këlliçi ka lexuar letrën ku Lulzim Basha informohej si deputet për shkarkimin e tij nga Kuvendi i 11 dhjetorit.

“Kërkohet që të merrni të gjitha masat për të jetësuar vullnetin e qartë të demokratëve, duke liruar ambientet e punës së kryetarit të partisë dhe duke kryer dorëzimet tek Komisioni deri më 5 janar”.

Të pranishëm ishin Albana Vokshi, Flamur Noka, Çlirim Gjata, Klevis Balliu, Floriana Garo, Tritan Shehu, Flamur Baçi, Bujar Nishani, Gent Strazimiri, Voltana Ademi, Belind Këlliçi etj.