Edi Rama po thotë të vërtetën , që s’mbaj as përgjegjësi, as nuk “përzihem” në punët e opozitës

Nga Hysni Gurra / Dy gjëra të qenësishme nga konferenca e fundvitit.

E para, tha pak a shumë që, unë nuk mbaj përgjegjësi për korrupsionin e skandale të tjera të qeverisë.

E dyta tha nuk përfshihem në debatin e brendshëm të PD dhe pa e kuptuar as vetë u përfshi nja 10 herë, nuk e fsheh dot që i intereson të jetë i përfshirë.

Të dyja në fakt janë të ndërlidhura me njëra-tjetrën dhe ka të drejtë për të dyja, që tallet sigurisht.

Dy rrugë janë që e bëjnë një kryeministër të mbajë përgjegjësi.
E para ligji, që me thënë të drejtën ligjet që na ka bërë ne Evropa dhe Amerika, të gjitha e mbrojnë kryeministrin nga përgjegjësia ligjore, madje jo vetëm atë por edhe ministrat në të shumtën e rasteve. Niveli i përgjegjësisë për ndëshkim ligjor bie mbi sekretarë të përgjithshëm, drejtora, ndonjë zv.ministër etj. As Lefter Koka s’ka për të bërë burg, të jeni të sigurtë. Po tani ashtu i duhet këtij dhe ndonjë ambasadori që të justifikojë paratë e projektit “reforma në drejtësi”.

Dhe rruga e dytë e cila e detyron të mbajë përgjegjësi kryeministrin është opozita. Por kur opozita është e vërtetë, e drejtë, e sinqertë dhe jo gjobaxhie e opozitë luksoze siç kami pas ne këto 8 vite.

Thënë këto, ai realisht thotë të vërtetën kur thotë që s’mbaj as përgjegjësi, as nuk “përzihem” në punët e opozitës, gjë të cilën e bën nga mëngjesi në darkë, se ajo është e vetmja rrugë që e bën të mos ketë frikë nga asgjë.
Pa llogarit këtu që siç ka pas në xhep opozitën ka edhe shumë ambasadorë të perëndimit, një garanci më vete kjo.