Dy persona bien nga lartësia brenda pak minutash në Sarandë

Dy persona kanë rënë nga lartësia brenda pak minutash në Sarandë pasditen e sotme.

Dy personat janë transportuar në spitalin e Sarandës për të marrë ndihmën e parë mjekësore.

Nga sa mësohet fillimisht është dërguar me urgjencë në spital Jurian Gjini, 28-vjec, banues ne Lushnje. Ai ka rënë nga lartësia e pemës dhe aktualisht ndodhet nën kujdesin e mjekëve.

Ndërkohë në spital është dërguar me plagë edhe Aqif Garo, 40-vjec, banues në fshatin Çukë, i cili dyshohet se ka rënë nga tarraca e një objekti të cilin ishte duke e pastruar.