Roskovec, humb kontrollin e mjetit dhe mbytet në “Vaskat e peshkut”

Një fermer ka humbur jetën paraditen e sotme në vendin e quajtur “Vaskat e peshkut” në Roskovec. Burime nga policia bëjnë me dije se 50-vjeçari ishte duke drejtuar një mjet bujqësor pranë këtyre vaskave, por për shkaqe ende të paqarta ka humbur kontrollin dhe ka rënë aty duke u mbytur.

Njoftimi i policisë

Sot rreth orës 11:00, në vendin e quajtur “Vaskat e peshkut” Roskovec, shtetasi Y. P., rreth 50 vjeç, duke drejtuar mjetin tip motorrkorrëse, është përmbysur në një nga vaskat e peshkut dhe për pasojë ka humbur jetën.
Grupi hetimor po punon për zbardhjen e rrethanave të ngjarjes.