Evis Berberi skualifikon 5 kompani/ 400 MLN LEKË tender oligarkut Paqësor Buzi

Evis Berberi, titull-zari Belinda Ballukut ka nisur shpërndarjen e parave publike me tenderat e mirëmbajtes së rrugëve. Këto lloj procedurash publike janë ato që njihen ndryshe edhe si qokat e oligarkëve më pranë qeverisë.

I radhës që ka qërasur Berberi me paratë e popullit është Paqësor Buzi.

Kompania e tij GPG Company është shpallur fituese në tenderin e mirëmbajtjes së Urës së Gjormit-Brataj-Ura e Laskos duke skualifikuar 5 kompani të tjera për disa kritere specifike. Njëri prej kritere që ka skualifikuar shumicën e kompanive është mungesa e një drejtuesi teknik.

Tenderi është shpallur me Flamur të Kuq për Skualifikim të të Gjithë Operatorëve Konkurrues Përveç Fituesit.

Buzi ka ofruar ofertën e dytë më të lartë pranë Fondit Limit duke u shpallur fitues nga Berberi, ofertë që shkon mbi 388 MLN LEKË me TVSH.

Oligarku është përfitues i shumë miliardave të parave publike me anë të tenderave me shkelje dhe nuk është vënë kurrë në subjekt hetimi nga SPAK.