Juventinët dalin kokëulur nga “San Siro”

Milani ka marrë një tjetër fitore të rëndësishme në kampionat, duke mundru me rezultatin 2-0 Juventusin në “San Siro”.

Në fund të pjesës së parë ishte Tomori i cili kaloi në avantazh kuqezinjtë dhe 10 minuta pas fillimit të pjesës së dytë, Brahim Diaz realizoi një supergol.

Bardhezinjtë nuk arritën dot të reagonin siç duhet, me tentativat e tyre që nuk ishin të rrezikshme për portën e Tatarushanut.

Kështu kuqezinjtë i bashkohen momentalisht në vendin e parë Napolit dhe Atalantës, ndërsa Juventusi qëndron në vendin e 8-ë.

REZULTATI:

MILAN 2-0 JUVENTUS

Tomori 45′, B. Diaz 55′