Drejtori i Përgjithshëm i Policisë: Do të ngrihet strukturë e posaçme për krimin kompjuterike

Drejtori i Përgjithshëm i Policisë së Shtetit Muhamet Rrumbullaku paralajmëroi sot krijimin e një strukture të posaçme në policinë kriminale për krimet kompjuterike.

Rrumbullaku ishte në një konferencë për mediat së bashku me përfaqësues të policisë spanjolle dhe drejtuesin e SPAK Arben Kraja për operacionet e zhvilluara dy ditët e fundit në disa call-centera në Shqipëri.

“Krimi ai mbi baza inteligjente por jo vetëm, të gjejë shtrirje kapilare në mbarë botën.
Jemi duke punuar për të rialokuar burimet tona njerëzore, teknike dhe logjistike si dhe përshtatim strukturat.
I kemi dhënë vetes objektiv që fillimi i vitit që vjen të na gjejë me një strukturë të dedikuar.
Strukturë e posaçme brenda departamentit të policisë kriminale, e shtrirë në të gjithë strukturat e drejtorisë së policisë së Shtetit. Do të shtojmë kapacitetin njerëzor”, deklaroi Rrumbullaku.