Kandidati i opozitës Këlliçi: Tirana do ndërrojë kurs, ndryshimi është i mundur

Kandidati për Tiranën i Partisë Demokratike, Belind Këlliçi është zotuar për të ndryshuar kryeqytetin.

Në një status në rrjetet sociale, Këlliçi ka publikuar foto nga takimet në terren dhe deklaron me garanci të plotë se Tirana pas 8 vitesh do ndërrojë kurs.

Ai thekson se ndryshimi është i mundur, ndaj po punon çdo ditë për qytetarët.

“Këtë punë e kam marrë përsipër dhe do e çoj përpara, duke qenë i pari në terren dhe i fundit në shtëpi. Jap garanci të plotë se Tirana pas 8 vitesh do ndërrojë kurs. Ndryshimi është i mundur dhe unë me ekipin tim po punojmë çdo ditë që qytetarët e Tiranës të kenë një mundësi të artë më 14 maj”, shkruan kandidati i PD-së për Tiranën./